تعميم بتخفيض المخالفات المرورية الى الحد الادنى

يعني اللي عنده مخالفه مدبله ترجع لقيمتها الاساسيه؟

اعتقد يقصدون مخالفات نظام باشر فقط 

مو كل المخالفات للأسف
اللي سجلت من تاريخ 1438/01/26 وبعد هالتاريخ
يا فرحة ماتمت وإن شاء الله نسمع خير في المخالفات المدبله

يقصدون الرفع للحد الاعلى وليس التخفيض واضح التعميم

صادق أخوي قايد الريم
توي أنتبه لأخر سطرين الموضوع كله مو حول تخفيض
يعني الحين لو جاتك مخالفة بالنظام القديم المفروض تجيك بـ 150 ريال
الحين لا تجيك بالنظام الجديد بالحد الأعلي بـ 300 ريال

حط مليون خط تحت كلمة... مايبرر ذلك...
فيه وراها شي والاغلب ماراح يجد مايبرر ذلك
مثلا واحد مخالفاته اول مره تجيه وتدبل ممكن يشيلونها عنه بحكم انه اول مره والسنه مره وحده
اما واحد مخالفاته بالدرزن ودائما يرتكب مخالفات هذا ماتوقع يخفضون له
هذا مثال بسيط لمعنى كلمة.. مايبرر ذلك..

اذا كان شرح الأخ ( , وع ـدك متى , ) صحيح وانا أعتقد انه صحيح فهذا يعني تهميش أو إلغاء الحد الأدنى وتفعيل الحد الأعلى ابتداءا (أي تسجيل المخالفة مباشرة بالحد الأعلى)

والله مافهمت شي
الحين رفع مخالفات ولا تخفيض مخالفات

يارجال التعميم ذا مضمونه رفع العقوبه الى اخر درجه يعني اللي اول ينمسك سرعه وتوقيف يوم احتمال يتوقف ١٥ يوووم وتحجز سيارته

يا أخوان فهمتم غلط وماتنلامون الصيغة ماهي واضحة زين للأسف عند قرائتها للمرة الأولى والزبدة بأنه تم تعديل أي مخالفة تمت بعد تاريخ 26-1-1438 بحيث تسدد بالحد الأدنى لها
ولايتم رفع الحد الأعلى إلا بحال مايوجب ذلك ويتم الرفع للهيئات القضائية أو جهة الفصل لكي تتم الموافقة على الحد الأعلى

شيء جميل وبه تطور

الصيغة واضحة، أنها تطبيق الحد الادنى للمخالفات، ولا يطبق الحد الاقصى الا من خلال محكمة ترى مبررات لذلك

صحيح انا اليوم وقفني المرور وكان بيعطيني مخالفة تظليل واقعد اتطلبه قال معطيك مخالفه معطيك قلت والله علي 54 الف والحال زفت قال بعطيك حزام 150 قلت يابن الحلال بتدبل قال لا خلاص الغوه التدبيل لان قطع الاشارة 6000 واذا تدبلت 12 الف قالوا لا نخليها بدون تدبيل وانا قلت شكله يصرفني بس بعد ماشفت هالبيان ان شاء الله يطلع كلامه صحيح والله اني تندمت وتحسفت قد شعر راسي اذكر مخالفاتي يوم كانت 2000 واقول خلها لين تراكمت علي وصارت قيمتها قيمة سيارة جديده بس انا السبب نصحية يا اخوان لو هي 300 مخالفتك سددها ع طول بدون مماطلة 

الزبدة في جدول مع الخطاب ورقم المخالفات في بند 5 6 7 للحد الادني فقط واذا تبي ترفعها للحد الاعلى مو عن طريق المرور عن طريق هيئات الفصل
يعني المرور في مخالفات القسم 5 و 6 و 7 يعطي الحد الادنى فقط وهيئات الفصل هي من ترى رفع الحد للاعلى او لا

كيف ماكانت الصيغة و ايش ماكانت تعني 
ترى نص الكلام مركب على الصورة ماهو مكتوب على الورقة 

"سبق" المخالفات سيتم تسجيلها بحدها الأدنى، على أن تقوم هيئات الفصل برفعها للحد الأعلى على الفور، في حال تسببت المخالفة في إخلالها بالسلامة العامة، وحتى لو لم يتم مرور شهر على المخالفة.